Аўтаматызаваная інфармацыйная сістэма валютнага маніторынгу

Правядзенне валютнага маніторынгу патрабуе збору і аналізу значнага аб’ёму інфармацыі:

- аб валютна-абменных аперацыях суб’ектаў гаспадарання на ўнутраным валютным рынку;

- аб выкананні суб’ектамі гаспадарання патрабаванняў заканадаўства ў дачыненні да рэгістрацыі валютных дагавораў;

- аб выкананні валютных дагавораў (правядзенне разлікаў, атрыманне або перадача тавараў, маёмасці ў арэнду (лізінг), нераскрытай інфармацыі, выключных правоў на аб’екты інтэлектуальнай уласнасці, маёмасных правоў, выкананне работ, аказанне паслуг, іншае выкананне).

Інфармацыя паступае ад суб’ектаў гаспадарання, банкаў і дзяржаўных органаў. Для яе цэнтралізаванай апрацоўкі і аўтаматызацыі валютнага маніторынгу патрабавалася спецыялізаванае аўтаматызаванае рашэнне.

Распрацаваць аўтаматызаваную інфармацыйную сістэму, якая забяспечвае тэхналагічную падтрымку валютнага маніторынгу ў адпаведнасці з патрабаваннямі Закона Рэспублікі Беларусь ад 22 ліпеня 2003 г. № 226-З «Аб валютным рэгуляванні і валютным кантролі». Сістэма павінна забяспечваць работу з інфармацыяй, неабходнай для фарміравання базы даных валютнага маніторынгу.

Кіраўнік праекта, сістэмны архітэктар, распрацоўшчыкі, DevOps-інжынер, спецыялісты па рабоце з данымі, сістэмныя і бізнес-аналітыкі, тэсціроўшчык.

Створана аўтаматызаваная інфармацыйная сістэма, якая забяспечвае аўтаматызацыю валютнага маніторынгу ў адпаведнасці з патрабаваннямі заканадаўства Рэспублікі Беларусь. АІС ВМ забяспечвае: - цэнтралізаванае захоўванне інфармацыі аб валютных аперацыях і яе суаднясенне з валютнымі дагаворамі;
- разлік сальда па валютных дагаворах, падлік абаротаў аперацый у разрэзе відаў выканання (рух тавараў, правядзенне разлікаў, іншае выкананне); - сігналізаванне аб патэнцыяльных парушэннях суб’ектамі гаспадарання патрабаванняў заканадаўства ў дачыненні да рэгістрацыі валютных дагавораў на спецыялізаваным вэб-партале (рэгістрацыя не праведзена або выканана пасля пачатку выканання дагавора);
- агрэгацыю даных аб паказчыках экспарту і імпарту ў розных разрэзах;
- фарміраванне апавяшчэнняў суб’ектам гаспадарання па пытаннях неўнясення інфармацыі на вэб-партал па зарэгістраваных валютных дагаворах.